Aceite III: degustación de aceite e plantación de oliveiras bravas

Artigo novo en InnovArte Educación Infantil Aceite III: degustación de aceite e plantación de oliveiras bravas by Ángeles Abelleira e Isabel Abelleira No mes de outubro, a partir dunha rama de oliveira con olivas que leváramos á aula, iniciamos un traballo de coñecemento deste produto natural tan empregado e tan descoñecido para o alumnado. Daquela fixéramos unha labor de investigación, e mesmo detectivesca, buscando olivas nas oliveiras das rúas de O Milladoiro (ver Aceite I), tamén degustáramos o aceite e coñecéramos algunha preparación como o pan de aceite e olivas que elaboramos na clase (ver Aceite II). Entre as nosas descubertas, tamén estaba a existencia da empresa Olei, sita a poucos metros do noso centro. Puxerámonos en contacto coa súa directora, María Estévez, quen se ofreceu para vir ao centro a facer uns obradoiros de degustación de aceite galego así como para plantar algúns exemplares desta variedade autóctona galega, a brava, xa coñecida desde o século XII. Logo pasou o tempo, a climatoloxía non foi propicia para as plantacións e fómolo adiando ata a chegada da primavera. Hoxe, finalmente, tivo lugar a tan esperada cata de aceite e plantación de oliveiras; pareceunos a mellor data e a mellor maneira de darlle entrada á nova estación. Ver presentación. Degustación aceite Ver presentación. Debuxos Olei Ángeles Abelleira e Isabel Abelleira | 19/03/2015 ás 16:50 | Etiquetas: alimentación, C. interación mundo físico, consumo responsable, primavera | Categorías: EncienciArte | URL: http://wp.me/pN3u5-27V Comment    See all comments